Charter Document - 01952297
| Charter Number: | 01952297 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1186 - 1187 |
| Date type: | Assigned |
| Resource Link(s): |
|
Charter:
B dei gratia Cantuariensis archiepiscopus tocius Anglie primas et apostolice sedis legatus dilectis filiis T priori de Warewico et Iohanni vicearchidiacono Coventr salutem et benedictionem Querelam monialium de Ettona ad nos transmissam recepimus quod quidam milites in archidiaconatu Coventr commorantes redditus quosdam quos ecclesie de Merton ad ipsas moniales sicut accepimus pertinentis solvere tenentur iniuste detinere presumunt Unde quoniam iuri predictarum monialium volumus sicut et debemus providere vobis de quorum confidimus discrecione huius rei cognicionem duximus committendam mandantes quatinus partibus ante presentiam vestram convocatis veritatem inquiratis et prefatis monialibus plenam super proposita querela iusticiam faciatis exhibere ne pro iusticie defectu iustam habeant iterande querele occasionem Valete