Charter Document - 01951302
| Charter Number: | 01951302 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1154 - 1161 |
| Date type: | Assigned |
| Resource Link(s): |
Reference Document for this Embedded Document |
Charter:
Theobaldus dei gratia Cantuariensis archiepiscopus Angl primas et apostolice sedis legatus universis sancte ecclesie fidelibus ad quoscumque presentes pervenerint apices salutem Quecumque pietatis intuitu religiosis locis largitione regum seu principum seu quorumcumque fidelium oblatione interveniente dioecesani episcopi coniventia sub nostra jurisdictione in usus divinos cessisse noscuntur nostri est officii illa roborare et nostre auctoritatis munimine perpetuo stabilire Inde est quod deo et ecclesie beate Marie Rading et religiosis fratribus ejusdem loci monachis filiis nostris dilectis omnes possessiones et omnia bona tam ecclesiastica quam mundana que gloriose memorie Henricus Anglorum rex nobilissimus Rading ecclesie primus fundator eidem ecclesie contulit et carta confirmavit scilicet Rading in qua eorum constructum est monasterium cum ecclesiis et capellis ejusdem ville et ceteris omnibus ad eam pertinentibus et Tacheham et Chelseiam cum ecclesia sua quam quidem ecclesiam et ecclesiam de Weregrava predictus H[enricus] rex ab abbate et monachis de Periculo Maris per concambium optinuit et ecclesie Rading concessit sicut carta donationis predicti regis et carta confirmationis predecessoris nostri venerabilis memorie Willelmi Cantuariensis archiepiscopi testatur necnon ecclesiam de Stantona et ecclesiam de Haneberga et ecclesiam de Estona cum omnibus earum pertinentiis similiter et possessionem que dicitur Wigestana quam habent in Legrecestrescira sicut venerabilis frater noster Robertus Linc episcopus eis per cartam suam confirmavit Preterea quicquid in presenti canonice possident seu in futuro rationabilibus modis adipisci poterunt nos quoque auctoritate nostra et scripti nostri testimonio confirmamus et in perpetuum possidenda corroboramus Quicumque igitur adversus hujus nostre confirmationis auctoritatem venire et predictorum fratrum possessiones perturbare vel temere inquietare presumpserit in districti judicis examine indignationem omnipotentis dei incurrat et nostre maledictioni perpetuo subjaceat Amen Valete