Charter Document - 01951281
| Charter Number: | 01951281 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1175 - 1189 |
| Date type: | Assigned |
| Resource Link(s): |
Reference Document for this Embedded Document |
Charter:
Universis sancte matris ecclesie filiis presentibus et futuris Willelmus de Aubervilla salutem Noverit universitas vestra me dedisse et concessisse deo et beato martiri Thome et canonicis ordinis Premonstratensis concensu et assensu Matildis uxoris mee et heredum meorum totam villam meam de Langdon ad faciendam in ea abbatiam ordinis Premonstratensis per manum Roberti abbatis de Leistun Hanc autem villam dedi et concessi eis totam cum omnibus pertinentiis suis in boscis et plano et pastura et cum omnibus aliis eeisiamentis suis ad eandem villam pertinentibus et cum omnibus servitiis omnium hominum meorum in eadem villa manentium Preterea eis dedi et concessi ecclesiam beate Marie de eadem villa et ecclesiam beate Marie de Walemere et ecclesiam sancti Nicolai de Oxeneia et ecclesiam beate Marie de Liden Hec autem omnia eis concessi pro anima cari domini mei regis Henrici secundi et pro anima Willelmi filii mei et Emme filie mee et pro anima Hugonis patris mei et Wimarc matris mee et Ranulphi de Glanvill et Berte uxoris sue et pro salute anime mee et Matildis uxoris mee et heredum nostrorum et pro animabus predecessorum et successorum nostrorum Quare volo et firmiter precipio quod prefati canonici habeant et teneant omnia prenominata que eis dedi et concessi libere et quiete integre et plenarie et honorifice in puram et perpetuam elimosinam libera et quieta ab omni seculari servitio et exactione ita quod si aliquod servitium de predicta villa exigatur ego et heredes mei dominium canonicorum quod meum fuit in omnibus erga omnes homines et feminas acquietabimus warantizabimus et defendemus imperpetuum Hiis testibus Iohanne Norwicensi episcopo Huberto Saresberiensi electo Henrico abbate de Meldune G priore de Butteley Ranulpho de Glanvill Willelmo de Glanvill clerico Ranulpho capellano Alano de Valeines Iosepho clerico Philippo capellano