Charter Document - 01950325
| Charter Number: | 01950325 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1187 |
| Date type: | Assigned |
| Resource Link(s): |
|
Charter:
B dei gratia Cantuariensis archiepiscopus totius Anglie primas et apostolice sedis legatus omnibus Christi fidelibus ad quos presentes littere pervenerint eternam in domino salutem Ad universitatis vestre notitiam volumus pervenire nos ex carta domini nostri illustris Anglorum regis Henrici secundi intellexisse ipsum concessisse et dedisse in perpetuam elemosinam ecclesiam de Suttona cum omnibus pertinentiis suis canonicis ecclesie sancti Leonardi de Wombrugg Et quia concessionem domini regis eisdem canonicis super dicta ecclesia factam firmam et stabilem volumus permanere eandem sicut rationabiliter facta est et in confirmationis scripto ipsius domini regis continetur expressa auctoritate qua fungimur confirmamus et sigilli nostri appositione communimus Hiis testibus magistro Silvestro magistro Radulfo de Sancto Martino Iohanne de Exonia Galfrido filio Terrici Willelmo Prudumma Eustachio de Wilton Galfrido Forti et aliis multis