Charter Document - 01950315
| Charter Number: | 01950315 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1186 - 1187 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presentes littere pervenerint B dei gratia Cantuariensis archiepiscopus totius Anglie primas et apostolice sedis legatus illam que est in domino salutem Cum ad nostre sollicitudinis pertineat offitium iustas subditorum nostrorum possessiones protegere que in subsidium religionis pia devotione collata sunt et episcopali auctoritate confirmata ad maiorem securitatem protectionis et confirmationis nostre beneficio dignum duximus communire Ea propter ad universitatis vestre noticiam volumus pervenire nos ex auctentico scripto venerabilis fratris nostri Gileberti Londoniensis episcopi quod inspeximus intellexisse eundem episcopum de assensu Gileberti de Muntfichet domini fundi concessisse et dedisse dilectis filiis nostris monachis de Straford ecclesiam de Westhamma et eos debita cum sollempnitate in personatum eiusdem ecclesie recepisse cuius concessionem et donationem nos ratam habentes eandem sicut canonice et rationabiliter facta est auctoritate qua fungimur confirmamus et sigilli nostri appositione communimus