Charter Document - 01950305

Universis sancte matris ecclesie filiis ad quos presens scriptum pervenerit Baldewinus dei gratia Cantuariensis archiepiscopus totius Anglie primas eternam in domino salutem Quoniam Rofensem ecclesiam et fratres in ea domino famulantes ratione multiplici diligere tenemur eo attentius eorum utilitati honori et quieti intendere dignum duximus Hinc est quod ad communem omnium vestrum volumus devenire notitiam quod omnes donationes et concessiones omnium maneriorum et omnium terrarum et omnium ecclesiarum cum omnibus reditibus suis et omnium decimarum que hactenus concesse sunt et donate ecclesie beati Andree apostoli que sita est in civitate Rouecestrie a quibuscumque sive regibus sive archiepiscopis vel episcopis sive comitibus sive aliis quibuslibet huius regni nobilibus concesse sunt aut donate ego Baldewinus dei gratia Cantuariensis archiepiscopus totius Anglie primas auctoritate a deo michi collata omnimodo ratas et in perpetuum stabiles esse confirmo et eas nominatim quas Gundulfus ecclesie illius episcopus ut ad usum monachorum illorum domino Christo et predicto apostolo devote famulantium permaneant ordinavit ego eidem ecclesie et eisdem monachis iure eterne hereditatis habendas libere atque quiete confirmo possidendas et sicut prenominatus episcopus qui monachos illos in Rofensi ecclesia congregavit et ipsa maneria et terras quas in suo dominico habebat ipsis monachis a suo proprio victu discrevit discretas dedit videlicet Wldeham cum omnibus appenditiis suis Frendesberiam cum omnibus appenditiis suis Stoches cum omnibus appenditiis suis Denintune cum omnibus pertinentiis suis Sufflet cum omnibus appenditiis suis Lamhetham cum omnibus appenditiis suis excepta illa parte curie sue super Thamisiam prout certis limitibus distincta est et viginti et quattuor acris et una perticata terre de dominico suo et servitio quod habuerunt de quattuor acris Hawise super Thamisiam sicut continetur in autentico scripto inter nos et ecclesiam et prefatos monachos inde confecto Hedenham cum manerio Cudentune nomine et cum omnibus xl hidis terre que appendant et omnes alias minutas terras et omnes redditus omnium terrarum quas suo tempore adquisivit et illis dedit ita firmiter et stabiliter md omnibus omnia ista monachis illis confirmo et corroboro Confirmo etiam eis ecclesias quas habent in Cantuariensi dioecesi seu regum Anglie sive antecessorum nostrorum vel aliorum fidelium liberalitate eis collatas ecclesiam de Norfliet cum omnibus ad eam pertinentibus ecclesiam de Boxle cum omnibus pertinentiis suis ecclesiam de Sturemuthe cum omnibus ad eam pertinentibus ecclesiam de Nortune cum omnibus pertinentiis suis similiter decimas quas habent in dioecesi nostra a dei fidelibus sibi concessas videlicet decimam de Hamwolde decimam de Dudindale decimam de Bilsintune decimam de Merile decimam de Bugele decimam de Stalesfeld decimam de Gilingeham decimam de Srembroc decimam de Aldeham decimam de Bengesham decimam de Geddinges et alias ecclesias vel decimas quas adquisierunt vel in posterum rationabiliter adquirere poterunt et sicut beate memorie Anselmus et Theobaldus et Ricardus Cantuarienses archiepiscopi et Gundulfus et Ascelinus et Walterus Rofenses episcopi possessiones et maneria omnia a rege Henrico primo et Henrico secundo confirmata confirmaverunt et eidem ecclesie et monachis predictis aut post illos inperpetuum victuris firmiter stabilia et stabiliter firma et illibata permanere sancti erunt et auctoritate dei omnipotentis patris et filii et spiritus sancti et omnium sanctorum omnes illos qui aliquid de regis concessione et illorum institutione vel confirmatione infringerent excommunicaverunt ita et nos tantorum virorum exempla secuti institutiones confirmationes et omnia predicta ipsis monachis in perpetuum habenda firmiter stabilia et stabiliter firma et illibata permanere sanctio et sub eadem interminatione omnes qui vel eorum vel nostram confirmationem infirmare vel absque communi fratrum ecclesie illius consilio et consensu immutare presumpserint a liminibus sancte matris ecclesie ex auctoritate dei patris omnipotentis et filii et spiritus sancti omniumque sanctorum sequestro et nisi ad congruam satisfactionem venerint eterni iudicis iram indignationem et maledictionem incurrant Ut igitur hec nostra confirmatio perpetue firmitatis robur optineat eam presenti scripto et sigilli nostri testimonio duximus roborandam Hiis testibus domino Roberto de Bechinton magistro Petro Blesensi []