Charter Document - 01950304

Universis sancte matris ecclesie filiis ad quos presens scriptum pervenerit Baldewinus dei gratia Cantuariensis archiepiscopus totius Anglie primas eternam in domino salutem Quanto magis ecclesiam Roffensem et fratres in ea domino famulantes ratione multiplici paterno affectu diligere ac fovere tenemur eo attentius illorum utilitati honori et tranquillitati perpetue intendere ac providere dignum duximus Ad omnium igitur notitiam volumus pervenire nos auctoritate Cantuariensis ecclesie cui divina miseratione presidemus habito consilio cum viris prudentibus et discretis de assensu etiam et voluntate capituli nostri concessisse et confirmasse monachis Roffensibus ecclesias quas habent in dyocesi nostra ex collatione regum vel archiepiscoporum seu aliorum Christi fidelium ecclesiam scilicet de Boxle cum omnibus pertinendis suis ecclesiam de Sturmue cum omnibus pertinendis suis ecclesiam de Northune cum omnibus pertinentiis suis ecclesiam de Nortflete cum decimis de Hyfeld et de la Dune et cum omnibus aliis pertinentiis suis et in predictis ecclesiis vicariorum presentationem inperpetuum qua quidem ante tempora nostra se gavisos fuisse in presentia nostra efficaciter docuerunt similiterque omnes redditus et omnes decimas a quibuscumque dei fidelibus hactenus eisdem monachis in dyocesi nostra collatas decimam scilicet quam percipiunt in parochia de Gilling et decimam de Screhambroch in parochia de Clive decimam etiam de Ealdeham in parochia de Wroteham decimam de Gedding in parochia de Hese decimam de Hamwold in parochia de Wednesberg decimam de Merile in parochia de Herietesham decimam de Buggele in parochia de Boctune decimam de Bengesham in parochia de Croindene decimas etiam quas percipiunt in Dudendale in Stalesfeld in Bilsintune quas quidem decimas universas a quadraginta annis et amplius ante tempora nostra predictos monachos pacifice et inconcusse possedisse et libere percepisse ex donatione Christi fidelium testimonio virorum fide dignorum et aliis documentis evidentissimis cognovimus facta super hiis diligenti inquisitione quantum etiam ad nos pertinet concedimus et confirmamus eisdem monachis omnes terras et omnes redditus et omnes libertates et omnia beneficia sive a regibus Anglie Willelmo scilicet Henrico primo Henrico secundo et aliis omnibus sive ab archiepiscopis Cantuariensibus Lanfranco scilicet et Anselmo Radulfo Willelmo et Ricardo quorum cartas inspeximus sive ab aliis predecessoribus nostris seu etiam ab episcopis eiusdem ecclesie vel ab aliis Christi fidelibus ipsis monachis concessa et ab eisdem optenta ut ea omnia ita libere et pacifice integre et plenarie habeant inperpetuum et possideant ut nulli omnino hominum neque clerico neque laico super eisdem liceat predictis monachis gravamen inferre vel molestiam Observatores autem huius nostre concessionis et confirmationis dextera dei omnipotentis protegat et benedicat et qui ea infirmare temptaverint iram eterni iudicis et indignationem nisi ad congruam satisfactionem venerint incurrant Ut igitur hec nostra concessio et confirmatio perpetue firmitatis robur obtineat eam presenti scripto et sigilli nostri testimonio duximus roborandam Hiis testibus magistro Petro Blesensi domino Roberto de Bekintune magistro Silvestro Radulfo de Sancto Martino domino Rogero de Cirintun Willelmo de Sancta Fide Willelmo Prudumme domino Iohanne cancellario Martino camerario domino Roberto de Cruci Radulfo de Vaus Petro pincerna Roberto de Bristo et multis aliis clericis et laicis Facta est autem hec confirmatio apud Cantuariam in synodo anno primo coronationis Ricardi illustris regis Anglorum