Charter Document - 01950289
| Charter Number: | 01950289 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1185 - 1190 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Baldewynus dei gratia Cantuariensis archiepiscopus totius Anglie primas eternam in domino salutem Ad notitiam vestram volumus pervenire quod cum Stephanus de Leybourn clericus ecclesiam de Hamme cuius aliquando gerebat personatum in manum nostram resignasset ad petitionem et presentationem Willelmi de Norfuco militis domini fundi eandem ecclesiam dilectis filiis priori et canonicis de Ledes in perpetuam elemosinam contulimus ipsosque in eadem ecclesia personas canonice instituimus Unde ut hec nostra donatio firmam et perpetuam habeat stabilitatem eam auctoritate qua fungimur confirmamus et sigilli nostri appositione communimus Hiis testibus magistro Silvestro magistro Godefrido de Sildon Roberto de Bekinton Iohanne de Exonia Galfrido Forti magistro Ioseph Eustachio de Wiltone clerico Roberto clerico magistro Ioseph [] clerico et aliis