Charter Document - 01950272
| Charter Number: | 01950272 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1188 - 1189 |
| Date type: | Assigned |
| Resource Link(s): |
|
Charter:
Bald[ewinus] dei gratia Cantuariensis archiepiscopus totius Anglie primas universis sancte matris ecclesie filiis ad quos presens scriptura pervenerit salutem in domino Notum facimus universitati vestre quod venerabilis et dilectus filius noster Ricardus de Riveriis pro remedio anime fratris sui Baldewini comitis et pro animabus predecessorum successorumque parentum suorum et pro salute sua permissione et assensu domini Henrici regis in presentia nostra donavit monasterio sancti Iacobi extra portam australem civitatis Exoniensis fundato et monachis ibidem deo servientibus tres marcatas terre in manerio de Toppesham quod est contiguum terre ipsorum monachorum Has itaque tres marcatas terre ad sustentationem unius monachi sacerdotis qui pro animabus predictorum parentum suorum ministrabit in perpetuam elemosinam donavit et carta sua confirmavit ab omni servitio et ab omnibus consuetudinibus et occasionibus que excogitari possunt liberas et quietas in viis in semitis in marisco in pascuis in pasturis in mari in poriu in aquis et in omnibus aliis locis Nos autem predicti Ricardi donationem gratam habentes eam presenti scripto et sigillo nostro confirmavimus Hiis testibus Gaultero Rotomagensi archiepiscopo Gileberto Pipard Radulfo filio Stephani Reginaldo filio Hereberti Gaultero Mautravers Guillelmo Maskerel Iuelo de Bukintone militibus ipsius Ricardi de Riveriis