Charter Document - 01950248
| Charter Number: | 01950248 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1186 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presentes littere pervenerint B dei gratia Cantuariensis archiepiscopus totius Anglie primas et apostolice sedis legatus eternam in domino salutem Ad universitatis vestre noticiam volumus pervenire nos ad presentationem dilectorum filiorum nostrorum prioris et conventus ecclesie Christi Cantuariensis dedisse et concessisse dilecto filio nostro Iohanni de Londonia nepoti beati martiris Thome ecclesiam sancte Margarite de Halgestowa in perpetuam elemosinam salva pensione unius marce quam idem Iohannes memoratis monachis in duobus terminis singulis annis tenetur persolvere imfra videlicet xv dies post Pasca dimidiam marcam et infra xv dies post festum sancti Michaelis dimidiam marcam Quare volumus et precipimus ut prefatus quem in predicta ecclesia canonice instituimus eandem ecclesiam quiete in perpetuum et pacifice sub prenotata teneat et possideat pensione Et ut hec nostra donatio firma et stabilis perseveret eam presentis scripti munimine duximus robborandam Hiis testibus Willelmo Gloecestriensi et magistro Petro Blesensi Bathoniensi archidiaconis magistro Silvestro magistro Henrico Iohanne de Exonia Galfrido Forti Eustachio et aliis