Charter Document - 01950237
| Charter Number: | 01950237 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1186 - 1187 |
| Date type: | Assigned |
| Resource Link(s): |
|
Charter:
Balduinus dei gratia Cantuariensis archiepiscopus totius Anglie primas et apostolice sedis legatus omnibus Christi fidelibus ad quos presentes littere pervenerint illam que est in domino salutem Quoniam ad officii nostri pertinet debitum paci et transquillitati subiectorum nostrorum et maxime virorum religiosorum attentius providere possessiones ecclesie sancte Marie de Boxgrava a nobili viro Willelmo de Sancto Iohanne et antecessoribus suis eiusdemque Willelmi militibus in sustentationem fratrum ibidem deo servientibus pia consideratione ad assensu Hylarii Iohannis et Seffridi Cicestrensis ecclesie episcoporum collatas in nostra suscipimus protectione et omnes donationes tam veteres quam novas ipsius Willelmi et antecessorum suorum necnon et militum eiusdem Willelmi sicut predicte ecclesie de Boxgrava karitatis affectu et rationabiliter facte sunt et episcopali auctoritate confirmate stabilem et firmam esse concedimus et auctoritate qua fungimur confirmamus Concessionem quoque venerabilis viri Thome abbatis de Exaquio quam dilectis filiis nostris conventui de Boxgrava super cuiusdam dispositionis conventione domus de Boxgrava scripto autentico se fecisse protestatur sicut iuste et rationabiliter facta est stabilem et perpetuam esse concedimus et auctoritatis nostre robore et sigilli nostri appositione communimus Hiis testibus P Blesensi archidiacono Bathoniensi magistro Henrico de Norhanton magistro Silvestro Iohanne de Exonia Willelmo Prudum Gileberto filio Willelmi Galfrido Forti et aliis