Charter Document - 01950234
| Charter Number: | 01950234 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1185 - 1186 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presentes littere pervenerint B dei gratia Cantuariensis archiepiscopus totius Anglie primas eternam in domino salutem Ad universitatis vestre notitiam volumus pervenire quod Alexander frater Alveredi de Hadinton in nostra constitutus presentia sponte et sine aliqua coactione quicquid iuris in ecclesia de Alburna se dicebat haberi in manu dilecti filii nostri R vicearchidiaconi Lincolniensis resignavit Quod ne processu temporis in dubium revocetur id ipsum presenti scripto duximus commendare