Charter Document - 01950206
| Charter Number: | 01950206 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1182 |
| Date type: | Assigned |
| Resource Link(s): |
|
Charter:
Ric[ardus] dei gratia Cantuariensis archiepiscopus totius Anglie primas universis sancte matris ecclesie filiis salutem in domino Inspectis auctenticis scriptis G quondam electi Lincolniensis nobis manifestius innotuit ipsum ad presentationem Radulfi filii Radulfi ecclesiam sancte Marie de Bramton et ad presentationem Ivonis de Gunnetorp et Turstani presbiteri ecclesiam de Haminton dilectis filiis nostris H priori et conventui Sancti Neoti dedisse ac concessisse et ipsos in easdem ecclesias canonice instituisse personam Inspeximus quoque cartam dilecti filii nostri Savarici archidiaconi Noramtonensis ex qua intelleximus quod ipse ad presentationem Willelmi de Clotton ecclesiam de Clotton eisdem priori et conventui concessit et quod eis eiusdem ecclesie canonice contulit personatum Cartas etiam predictorum advocatorum vidimus que liquide protestantur prefatum priorem et conventum ipsorum presentatione et assensu iamdictas ecclesias fuisse adeptos Nos autem tam predicti electi quam archidiaconi concessionem ac institutionem ratam habentes eam sicut rationabiliter facta est confirmamus et presenti scripto ac sigillo nostro communimus Testibus magistro Girardo Waleranno Baiocensi magistro Petro Baptoniensi Willelmo Glocestriensi archidiaconis magistro Rogero de Rolvest Willelmo de Sottend magistro Rogero Norwicensi Galfrido clerico magistro Rogero Walensi Ricardo de Lond et multis aliis