Charter Document - 01950202
| Charter Number: | 01950202 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1176 - 1177 |
| Date type: | Assigned |
| Resource Link(s): |
TELMA - Chartae galliae |
Charter:
Ricardus dei gratia Cantuariensis archiepiscopus totius Anglie primas et apostolice sedis legatus universis sancte matris ecclesie filiis ad quos presentes littere pervenerint eternam in domino salutem Ex iniuncte nobis administrationis officio tenemur iura ecclesiarum in quantum possumus integre et illesa conservare et ut ea que deo et ecclesie semel iuste collata sunt debita gaudeant tranquillitate sollicite providere Inde est quod in communem omnium notitiam volumus devenire nos inherentes vestigiis pie recordationis Theobaldi et beatissimi martiris Thome predecessorum nostrorum quorum cartas conspeximus et propriis manibus nostris contrectavimus concessisse et presenti carta confirmasse dilectis in domino filiis monachis de Sancto Bertino et monasterio eorumdem ecclesiam de Trulegha cum capellis ad eam pertinentibus quarum unam scilicet de Levelanda nominatim duximus exprimendam Volumus itaque et precipimus ut idem monachi prelibatam ecclesiam cum universis eiusdem pertinentiis in capellis in terris decimis et omnimodis obventionibus libere et pacifice possideant sicut eis iuste et canonice concessa est et a predictis decessoribus nostris rationabiliter confirmata Et ut hec nostre confirmationis pagina in posterum inconvulsa permaneat eam sigilli nostri munimine duximus roborare Hiis testibus magistro Gerardo Walerano Baiocensi archidiacono magistro Petro Blesensi Willelmo de Norhall Radulfo de Wingham Henrico Baiocensi canonico Radulfo de Sancto Martino Amico clerico Rogerio elemosinario Roberto de Bavento magistro Iohanne Dovr Willelmo Beivino Willelmo de Sotindona et pluribus aliis