Charter Document - 01950199
| Charter Number: | 01950199 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1174 - 1177 |
| Date type: | Assigned |
| Resource Link(s): |
|
Charter:
Ricardus dei gratia Cantuariensis archiepiscopus totius Anglie primas et apostolice sedis legatus universis sancte matris ecclesie filiis ad quos littere iste pervenerint salutem Ea que locis venerabilibus et viris religiosis et pietatis intuitu fidelium sunt devotione collata pontificalis est officii a stabilire et valituris in perpetuum munimentis roborare Unde ad communem universorum volumus pervenire notitiam nos in perpetuam elemosinam confirmasse ecclesie Sancti Albani et monachis eiusdem loci ecclesiam de Luytona et ecclesiam de Houghinton cum terris et decimis et omnibus pertinendis suis sicut comes Gloucestrie Willelmus eis illas dedit et carta sua rationabiliter et iuste confirmavit Terram etiam quam Willelmus camerarius tenuit de feodo eiusdem comitis videlicet quicquid tenuit in soca de Luitona et in Hertewella et in Badelesdona et in Potesgrava eisdem confirmamus sicut idem comes eis rationabiliter concessit et carta sua confirmavit Ut hec autem nostra confirmatio stabilis et inconcussa perseveret eandem sigilli nostri appensione roboramus et testium subscriptione communimus Testes magister Gerardus Waleranus archidiaconus Baiocensis magister Petrus Blesensis Willelmus de Norhall Radulfus de Wengham Henricus Baiocensis canonicus Radulfus de Sancto Martino et alii