Charter Document - 01950196
| Charter Number: | 01950196 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1180 - 1181 |
| Date type: | Assigned |
| Resource Link(s): |
|
Charter:
Ricardus Dei gratia Cant archiepiscopus totius Anglie primas et apostolice sedis legatus universis sancte matris ecclesie filijs ad quos presentes littere pervenerint eternam in domino salutem Quoniam ea que semel judicio vel concordia interveniente sunt terminata perpetua debent stabilitate gaudere necesse est ea autenticis scriptis communiri ne possint in recidive contentionis scrupulum revocari Ex inspectione siquidem cujusdam scripti autentici dilectorum filiorum nostrorum abbatis et monachorum de Boxleia evidenter intelleximus hujuscemodi ipsos et dilectos filios Roffenses pro bono pacis intervenisse scilicet quod idem monachi Roffen concesserunt monachis de Boxle super montes campum quendam parochialis ecclesie de Boxle ita quod monachi Roffenses retinuerunt sibi de eodem campo dimidiam acram de bosco ad clausturam Concesserunt etiam idem monachi Roffen monachis de Boxle omnes decimas super montes de omnibus terris tam de hijs quas habent monachi de Boxle ex dono regis liberas quam de hijs quas de villanagio finaliter habendas adquisierunt vel adquisituri sunt in perpetuum ad proprium cultum Concesserunt etiam eisdem monachis de Boxle sub montibus terram quandam parochialis ecclesie de Boxle cum prato adjacente inter abbatiam et villam de Boxle E contra monachi de Boxle concesserunt monachis Roffen omnes decimas suas sub montibus extra septa abbatie et grangie viz omnium frugum tantum et leguminum de omnibus terris suis sub montibus tam antiquitus cultis quam de hijs quas de novo scilicet ab abbatis fundatione deduxerunt vel deinceps in perpetuum deducent ad cultum Habebant etiam idem monachi Roffenses Omnes decimas in lateribus montium de omnibus terris que anno hujus compositionis vel ante redacte fuerunt ad cultum excepto campo quem monachi de Boxle a Johanne de Horepole emerunt Hanc itaque conventionem sicut rationabiliter facta est et scripto inter eos concepto continetur ratam habentes auctoritate qua fungimur confirmamus et presentis scripti munimine roboramus et sigilli nostri appositione statuimus Hijs testibus magistro Girardo []