Charter Document - 01950192

Universis sancte matris ecclesie filijs ad quos presentes littere pervenerit Ricardus Dei gratia Cant archiepiscopus totius Anglie primas et apostolice sedis legatus eternam in domino salutem Cum causa inter monachos Roffen rectores ecclesie de Chiselherst et Picardum rectorem ecclesie de Eltham super decimis de Modyngham in nostra visitacione in dioecesem Roffen coram nobis mota fuisset partibus ante nos vocatis et per procuratores legitime constitutos literas suas de ratihabitione totius cause nobis porrectas comparentibus ut carum parceremus laboribus et expensis dilectis filijs nostris N archidiacono Roffen magistro Waltero Tonitruo et magistro Radulpho de Frindesbury viris equidem probatis opinionis dedimus in mandatis ut testes quos utrobique erunt producti super jure et perceptione predictarum decimarum audirent diligenter et attestaciones eorum conscriptas sub sigillis suis ad diem certum cum ipsis partibus ad nostram transmitterent audienciam qui quidem diligenter et devotum mandatum nostrum executi sunt die ergo constituta cum partes copiam sui nobis facerent et testimonium fuisset renunciatum productioni publicatis tandem attestacionibus cum hinc inde in testes et dicta testium ad invicem multa fuissent proposita et de consensu partium in causa conclusum demum de jure monachorum Roffen et possessione antiqua dictas decimas percipiendi plenius instructi et certificati tam per dicta testium quam per autenticas literas Radulphi Willelmi Theobaldi predecessorum nostrorum Cant archiepiscoporum necnon Johannis et Gundulphi Roffen episcoporum quas diligenter inspeximus et manibus tractavimus ac alijs legitimis documentis nobis constat fide plena predictos monachos et eorum ecclesiam Roffen quater viginti quatuordecim annis post donationem ecclesie de Chiselherste quam Gundulfus episcopus eis fecit et ante predictam donationem tempore prescripto de benevolentia Ansgoti decimas prescriptos ecclesie sue Roffen nomine pacifice et inconcusse possedisse et postea ex certa scientia cognoscentes eosdem monachos et eorum ecclesiam Roffen in omnibus decimis de Modyngham in utraque parochia de Chiselherst et Eltham existentibus antequam ecclesie de Chiselherst fuerant rectores jus sufficiens obtinere tanquam jus ecclesie Roffen appropriatum sive dependene ali qualiter ad ecclesias de Chiselherst vel Eltham pertinent ipsis monachis et ecclesie Roffen omnes decimas de Modyngham provenientes invocato nomine domini sententialiter et diffinitive adjudicamus Inhibentes sub pena excommunicationis ne quis eos de eisdem decimis de cetero inquietet Act anno incarnationi dominice millesimo centesimo septuagesimo sexto Testibus his magistro Gerardo Waltero Barone archidiacono magistro N Bleseum magistro de Roberto Inglesham magistro Rogero Norwycen Henrico Barone Roger Elemosinario Willelmo de Sotyndon et aliorum multorum testimonium