Charter Document - 01950191
| Charter Number: | 01950191 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1174 - 1175 |
| Date type: | Internal, A.D. |
| Resource Link(s): |
|
Charter:
Ricardus dei gracia Cantuariensis archiepiscopus tocius Anglie primas et apostolice sedis legatus vniuersis Christi fidelibus ad quos presentes littere peruenerint salutem in domino Ad vniuersitatis uestre noticiam uolumus peruenire quod causa que inter dilectos filios nostros monachos Rofensis ecclesie et Rogerum presbiterum vertebatur super capella de Eya apostolica auctoritate nobis commissa cognoscenda et terminanda in presencia nostra hoc fine [terminata est prefatus si q]uidem Rogerus presbiter post varias altercationes ore proprio confessus est iam dictam capellam ad ius matricis ecclesie de Hede[nham et predictorum monachorum pertinere Sic]que propria et spontanea ductus uoluntate eandem capellam in manu nostra resignauit liberam et ab omni reclam[acione penitus absolutam asserens se nichil] iuris in ea habere citra eorundem monachorum auctoritatem con censumque Denique memorati monachi super ipso Rogero [misericordia moti concesserunt ei eandem c]apellam in perpetuam vicariam tota uita sua de eis tenend Soluendo eis annuatim xx solidos nomine annue pensionis [] Michaelis et x solidos in festo Paschali Et cum sepe dictum Rogerum contigerit uiam vniuerse carnis ingredi vel ad religionis ha[bitum mi]grare eadem capella ad matricem ecclesiam de Hedreham et monachos Rofenses perueniat libera et ab omni strepitu reclamancium penitus absoluta Vt igitur hec que in presencia nostra apostolica auctoritate facta sunt perpetuam obtineat firmitatem eadem auctoritate apostolica qua functi sumus ea confirmamus et presentis scripti attestacione communimus et sigilli nostri patrocinio corroboramus Hiis testibus Roberto Call Facta est hec carta anno domini mclxxiiii Postea fluxerunt anni lv