Charter Document - 01950178
| Charter Number: | 01950178 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1174 |
| Date type: | Assigned |
| Resource Link(s): |
|
Charter:
Ric[ardus] dei gratia Cantuariensis archiepiscopus tocius Anglie primas et apostolice sedis legatus magistro Philippo vicearchidiacono Oxoniensi salutem Ex officio nostre legationis causis que de domini pape precepto vel mandato formam suscipiunt convenit nos plurimam diligentiam accommodare ut finem debitum singule quantum in nobis est sortiantur Proinde tibi mandantes districte precipimus quatinus sententiam venerabilis fratris nostri G Londoniensis episcopi quam auctoritate apostolica tibi prescriptam litteris suis a sigillo dependentibus tibi eadem auctoritate rationabiliter precipit exsecutioni mandare iuste et sine dilatione effectui mancipare non differas Vale