Charter Document - 01950170
| Charter Number: | 01950170 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1178 - 1181 |
| Date type: | Assigned |
| Resource Link(s): |
|
Charter:
Ric[ardus] dei gratia Cantuariensis archiepiscopus tocius Anglie primas et apostolice sedis legatus universis sancte matris ecclesie filiis ad quos presentes littere pervenerint illam que est in domino salutem Ea que in presencia nostra rationabiliter acta sunt ne posteris temporibus in dubium revocentur aut aliqua malignancium temeritate in redivivam questionem reducantur presentis scripti testimonio duximus commendare Inde est quod ad communem omnium notitiam volumus pervenire quod cum inter dilectos filios nostros abbatem et canonicos de Niewehus et dilectas filias nostras abbatissam et moniales de Alnesto super ecclesia de Hauton de sanctitatis apostolice mandato in presencia nostra controversia diucius fuisset agitata tandem sub hac transactionis forma conquievit Predicte abbatissa et moniales de Alnesto quicquid iuris in ecclesia de Halton sibi vendicaverant abbati et canonicis liberum et quietum in perpetuum concesserunt et preter hoc concesserunt eis decimas de dominio de Halton et totam terram quam ipse habuerunt in eadem villa unde inter eas et iam dictos abbatem et canonicos nulla erat querela salva tenura eorum qui terram ipsam de ecclesia de Alnesto hactenus tenuerunt et predicti abbas et canonici pro bono pacis et pro decimis ac terra prenominatis sepe dictis abbatisse et monialibus iiii marcas argenti annuatim apud Alnesto persolvent duas videlicet marcas ad Natale domini et duas in festo sancti Botulfi Hanc autem transactionem utrobique fide interposita firmatam ut in posterum firma maneat et inconvulsa presenti scripto et sigilli nostri munimine roboramus Testibus hiis Walerano Baiocensi et Willelmo Gloecestriensi archidiaconis Willelmo et Moyse capellanis magistro Roberto de Inglesham magistro Rogerio Norwicensi Iohanne capellano Ricardo et Galfrido clericis Willelmo de Sotindon et multis aliis