Charter Document - 01950163
| Charter Number: | 01950163 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1182 - 1183 |
| Date type: | Assigned |
| Resource Link(s): |
|
Charter:
Ricardus dei gratia Cantuariensis archiepiscopus totius Anglie primas universis Christi fidelibus ad quos litere nostre pervenerint eternam in domino salutem Ad omnium notitiam volumus pervenire nos omnes et singulas donationes quas fecit Nigellus de Munevilla et Willelmus de Abrincis postmodum confirmavit dilectis filiis nostris abbati et monachis de Lonleio sive in ecclesiis sive in terris sive in decimis sive in redditibus sive in aliis quibuscunque rebus sicut rationabiliter facte sunt et confirmate ratas habere et carta presenti confirmare statuentes et ea qua fungimur auctoritate prohibentes districte ne quis iniuste memoratos abbatem et monachos super donationibus ipsis molestare aut huic nostre confirmationis pagine contraire presumat Testibus Walerano Roffensi episcopo magistro P Blesensi archidiacono Bathoniensi Moyse capellano magistro R de Rolveston Henrico Baiocensi Iohanne capellano Willelmo Sotewame et aliis