Charter Document - 01950155
| Charter Number: | 01950155 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1177 - 1181 |
| Date type: | Assigned |
| Resource Link(s): |
|
Charter:
Ricardus dei gratia Cantuariensis archiepiscopus totius Anglie primas et apostolice sedis legatus universis Christi fidelibus ad quos presens scriptum pervenerit eternam in Christo salutem Ex inspectione autentici scripti venerabilis fratris nostri Ricardi Coventrensis episcopi ad plenum cognovimus decaniam Lichefeldensis ecclesie que tempore hostilitatis tota fere in nichilum redacta est eiusdem episcopi cura et sollicitudine de mandato summi pontificis hoc modo laudabiliter esse reformatam hiis scilicet honoribus et beneficiis ad reformationem et supplementum eiusdem decanie ab eo assignatis que quidem omnia propriis duximus exprimenda vocabulis scilicet decimam cense de Lich et de parochiis tam infra burgum quam extra et decimam de firma archidiaconatus Derb et in Berleswic xx solidos pro decima sive sit ad firmam sive non decimam etiam piscin de vivariis episcopi de Lich et duas acras et dimidiam de prato eiusdem episcopi et lx acras adiacentes terre de Alreschawe et terram de Torleymor ipsamque terram de Alreschawe sicut Willelmus quondam decanus eam melius et plenius habuit et preterea in supplementum decanie prebendam de Brewode cum omnibus suis pertinentiis et libertatibus sicut aliquis canonicus eam melius et plenius unquam tenuit Quam quidem decaniam eo quo dictum est modo reformatam idem episcopus sicut ex tenore scripti sui oculata fide didicimus dilecto filio nostro Ricardo de Dallam cunctisque eius successoribus in eadem decania canonice substituendis libere dedit et concessit possidendam suaque confirmavit auctoritate Nos ergo honori et dingnitati prescripti Lichefeldensis ecclesie providere volentes predicti fratris nostri Coventrensis episcopi dispositionem et concessionem canonice factam ratam et firmam decernentes auctoritate qua fungimur sicut rationabiliter facta est confirmamus et sigilli nostri munimine roboramus statuentes ut prescripta reformatio et ordinatio decanie Lichefeldensis firma et inconvulsa permaneat inperpetuum Nullusque memoratum decanum vel eius successores canonice substituendos super eadem decania eiusve possessionibus et libertatibus qualibet temeritate indebite vexare aut molestare presumat Hiis testibus Walerano Baiocensi archidiacono Willelmo Gloecestriensi archidiacono magistro Roberto de Inglesham magistro Rogero de Rulveston magistro Rogero Norwicensi Ricardo et Gaufrido clericis Rogero decano Philippo canonico Cestrensi et aliis multis