Charter Document - 01950154
| Charter Number: | 01950154 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1177 - 1181 |
| Date type: | Assigned |
| Resource Link(s): |
|
Charter:
Ricardus dei gratia Cantuariensis archiepiscopus totius Anglie primas et apostolice sedis legatus universis Christi fidelibus ad quos presentes littere pervenerint eternam in domino salutem Ex tenore quorumdam instrumentorum que manibus nostris contrectavimus et diligenter perspeximus videlicet carte Rogeri Durdent et carte Willelmi quondam decani Lichefeldensis necnon carte venerabilis fratris nostri Ricardi Coventrensis episcopi et carte capituli Lichefeldensis ecclesie satis manifeste cognovimus quod predictus Rogerus Durdent de assensu uxoris sue et heredum suorum vendidit prefato Willelmo decano Lichefeldensi terram de Cletthul cum universis pertinentiis et libertatibus suis quodque idem Willelmus decanus eandem terram cum omnibus pertinentiis et libertatibus suis concessit et dedit Henrico camerario suo in feodo et hereditate tenendam de ecclesia Lich solvendo singulis annis in festo Inventionis Sancte Crucis pro omni servitio cereos duorum solidorum qui solempniter in processionibus ante crucem faciendis ad honorem et obsequium dominice passionis accendantur et ardeant quodque venerabilis frater noster Ricardus Coventrensis episcopus ipsam terram concessit et carta sua confirmavit eidem Henrico camerario sicut antedictus Willelmus ei dedit et confirmavit pro servitio suo quod ei per multa tempora in negotiis ecclesie Lichefeldensis noscitur impendisse quodque etiam capitulum Lichefeldense concessioni et confirmationi prelibati Ricardi episcopi sui gratum prebuit assensum et decani sui factum in prescripta emptione et concessione eiusdem terre facta prelibato Henrico camerario in feodum et hereditatem libere et quiete ab omni servitio seculari vel exactione solvendo predictos cereos duorum solidorum in prenotato festo Sancte Crucis ratum habuit atque sigillo ecclesie roboravit Unde quoniam ex officio suscepti regiminis tenemur ea que a subditis nostris rationabiliter facta sunt rata habere et firma nos tam venditionem supradicti Rogeri quam emptionem prelibati Willelmi decani Lichefeldensis et concessionem eius et donationem factam ipsi Henrico camerario in feodum et hereditatem per predictum servitium cereorum duorum solidorum necnon concessionem memorati episcopi Coventrensis et eius confirmationem postremo autem concordem assensum capituli Lichefeldensis et confirmationem approbantes auctoritate qua fungimur confirmamus et presentis scripti testimonio ac sigilli nostri patrocinio communimus statuentes ut perpetuam obtineant firmitatem sicut auctentica scripta predictorum rationabiliter protestantur Testibus magistro Gerardo Willelmo archidiacono Glouecestriensi magistro Radulfo de Sancto Martino magistro Rogero de Rolveston Gilberto de Pirariis Thoma de Newesol Willelmo de Sottindon Rogero decano Rogero Wallensi Rogero Norwicensi Ricardo Lundoniensi Gaufrido clerico et multis aliis clericis et laicis