Charter Document - 01950151
| Charter Number: | 01950151 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1181 - 1184 |
| Date type: | Assigned |
| Resource Link(s): |
|
Charter:
Ricardus dei gratia Cantuariensis archiepiscopus totius Anglie primas universis sancte matris ecclesie Cantuariensis et Roffensis diocesum filiis salutem et benedictionem Noverit universitas vestra nos ad instantiam et de consensu R rectoris a ecclesie de Magefeud et dilectorum filiorum nostrorum canonicorum de Ledes per viros fide dignos inquisisse cuius ecclesie tenentes nostri de Courthope et de Everherst parochiani existant et cui ecclesie eorum decime de iure solvi debeant qui dicunt per sacramenta sua quod omnes inhabitantes loca de Courthope et de Everherst omnia iura ecclesiastica in ecclesia de Lamberhersta perceperunt et eidem ecclesie omnes decimas suas integre solverunt a tempore cuius non exstat memoria et ibidem eorum antecessorum ossa quiescunt humata necnon et huius rei venerabilis fratris nostri W dei gratia Roffensis episcopi laudabili testimonio veritatem cognovimus Unde quantum ad nos pertinet omnes decimas predictorum locorum memoratis canonicis nostris de Ledes nomine ecclesie sue de Lamberherste concessimus et confirmavimus In cuius rei testimonium huic scripto sigillum nostrum apponi dignum duximus