Charter Document - 01950147
| Charter Number: | 01950147 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1182 - 1184 |
| Date type: | Assigned |
| Resource Link(s): |
|
Charter:
Ricardus dei gracia Cantuariensis archiepiscopus tocius Anglie primas omnibus Christi fidelibus ad quos presentes litere pervenerint illam que est in domino salutem Ad universitatis vestre noticiam volumus pervenire controversiam inter dilectos filios nostros canonicos de Ledes et David de Tymberdene clericum et Walterum presbiterum super ecclesia de Crundale motam de consensu partium amicorum interveniente consilio in presencia nostra sub hac composicionis forma conquievisse Predictus siquidem Walterus qui in predicta ecclesia perpetuam habet vicariam solvet annuatim predicto David de eadem ecclesia nomine pensionis duas summas frumenti quarum alteram idem David sibi retinebit reliquam vero predictis canonicis singulis annis persolvet infra octavas Nativitatis Beate Marie Virginis Decedente vero predicto Walterum vel religionis habitum assumente predictus David tenebit memoratam ecclesiam sub annua pensione viginti et quinque solidorum sepe dictis canonicis singulis annis solvendorum Ne igitur super hiis que coram nobis acta sunt scrupulus dubitacionis emergat vel futuris temporibus aliquis maliciosus presumptor hanc composicionis paginam confringere vel evacuare attemptet eam tam scripti nostri patrocinio quam sigilli apposicione duximus communire Hiis testibus Magistro Petro Blesensi archidiacono Willelmo archidiacono Gloucestr Magistro Henrico de Northampton Magistro Roberto de Inglesham Magistro Rogerio de Rolveston Willelmo de Scotindon Thoma de Nawesele et aliis multis