Charter Document - 01950145
| Charter Number: | 01950145 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1177 - 1181 |
| Date type: | Assigned |
| Resource Link(s): |
|
Charter:
Ricardus dei gratia Cantuariensis archiepiscopus totius Anglie primas et apostolice sedis legatus universis ad quos presentes littere pervenerint eternam in domino salutem Rerum gestarum memoria provide scriptis committitur ut futuris temporibus plenior inde notitia teneatur Noverit itaque universitas vestra nos ad petitionem et presentationem dilecti filii nostri Roberti prioris de Ledes et conventus canonicorum eiusdem loci suscepisse Ricardum capellanum in perpetuam vicariam ecclesie de Chert que ad predictum priorem et canonicos suos noscitur pertinere ipsumque Ricardum in eadem ecclesia perpetuum vicarium institutum esse assignatis sibi certis portionibus scilicet universis proventibus et obventionibus altaris et decimationibus omnimodis omnium parochianorum eiusdem ecclesie excepta terra ad eandem ecclesiam pertinente et decimationibus de dominio eiusdem ville quas predictus prior sibi retinuit ad opus ecclesie sue et ad usus canonicorum suorum Hanc igitur institutionem prefati Ricardi vicarii ex presentatione sepedicti prioris et canonicorum eius factam auctoritate qua fungimur confirmamus et perpetuum robur decernimus optinere Testibus magistro Gerardo Walerano archidiacono Baiocensi Willelmo archidiacono Gloucestriensi magistro Rogero de Rolveston magistro Radulpho de Sancto Martino Willelmo de Sottindon Rogero decano Rogero Norwycensi Gaufrido clerico et aliis