Charter Document - 01950142
| Charter Number: | 01950142 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1181 - 1184 |
| Date type: | Assigned |
| Resource Link(s): |
|
Charter:
Ricardus dei gratia Cantuariensis archiepiscopus totius Anglie primas universis sancte matris ecclesie filiis ad quos presens scriptum pervenerit salutem in domino Que a venerabilibus fratribus nostris coepiscopis canonice fieri noscuntur ad nostrum spectat officium ea confirmare et ut futuris maneant temporibus inconcussa perpetuo stabilire Inde est quod ecclesie beate Marie de Kenill et religiosis fratribus canonicis regularibus eiusdem loci omnes ecclesias et quascumque possessiones in terris et decimis et aliis quibuslibet redditibus quas bone memorie Rogerus et Walterus Coventrenses et Simon et Alvredus Wigornienses et Alexander et Robertus Lincolnienses et Robertus Bathoniensis episcopi eis cartis suis confirmaverunt presentis scripti pagina communimus et nostre attestationis auctoritate corroboramus pie recordationis Teobaldi predecessoris nostri vestigia sequentes sicut in donatorum cartis continetur Ex quibus propriis hec duximus exprimenda vocabulis videlicet ipsam villam de Kenill manerium de Saltford manerium de Utilicot cum duobus pratis Sexter et Tachesmora manerium de Neweham Hichenden cum omnibus pertinentiis et libertatibus suis in Lillenton dimidiam hidam terre ecclesias de Kinton de Budiford de Brailes de Welesburn de Cumpton de Barton de Stanleg de Wotton ecclesiam de Stanes terram que fuit Bresard et medietatem totius nemoris terram que fuit Alani in Waleton cum essartis terram Aldewini terram de Neweton et de Lodbroc et in Wotton terras quas habent per Odonem de Turri cum prato et molendino de Kibecliva ecclesias de Wilmelecton et de Radeford et de Hampton in Arden et de Stivel et de Clinton ecclesiam de Cherleton in Somersat sicut in cartis Roberti episcopi Bathoniensis et Ricardi de Canvill continetur terram que fuit Cortesi in Tiso molendinum in Wotton proximum ecclesie apud Stafford terram Walteri filii Iuete terram Briani filii Cadio terram de Frodeswella medietatem ecclesie de Stokes unam hidam terre in Haleford ex donatione Willelmi Giffard ecclesiam sancti Nicholai in castro de Stafford ecclesias de Medeleg de Wolward et de Tisso cum virgulto et molendino ecclesie proximo terram de Broc cum nemore et essartis ecclesiam de Eatendon et ecclesiam de Smita cum capella Brinkelawe ecclesias de Cesterton et de Witenasse ecclesias de Laminton et de Cobinton ecclesie de Wotton pertinentes ecclesiam de Hugenden terras et mansuras quas habent in Warewich pratum de Badechinton terram que fuit Milonis in Chinton ecclesiam de Lokesleg manerium de Pachinton totam Leminton in Wolvricheston unam hidam terre et unam virgatam terram de Stalinton ecclesiam de Herberbir Hec ergo et omnia alia que iustis modis ac rationabilibus acquirere poterunt eis similiter confirmamus Nulli ergo omnino hominum liceat bona illorum diminuere pacem temere perturbare nec aliquo modo contra iustitiam eorum possessiones inquietare Pax dei omnibus eis pacem conservantibus pacis eorum perturbatores dei et nostram habeant maledictionem et in districto examine divine ultionis pene debite subiaceant Valete