Charter Document - 01950141
| Charter Number: | 01950141 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1174 - 1181 |
| Date type: | Assigned |
| Resource Link(s): |
|
Charter:
Ricardus dei gratia Cantuariensis archiepiscopus totius Anglie primas et apostolice sedis legatus venerabili fratri R eadem gratia Coventrensi episcopo salutem in vero salutari Quoniam in prioribus literis nostris super concordia inter vos et dilectum filium nostrum priorem de Kenill super ecclesia de Cumton formatis et emissis nulla de clave ipsius ecclesie tradenda mentio facta est tandem de ipsius clavis traditione coram nobis questione mota ipso priore et magistro Ricardo de Gnoueshall clerico et responsali vestro in presentia nostra constitutis super hoc quoque pacem inter vos reformare curavimus scilicet ut omnibus illis que in priori scripto nostro super illa transactione concepto robur omnimodum optinentibus clavis prefate ecclesie in manu vestra per priorem tradatur Vobis quoque mandamus et in virtute obedientie precipimus ut in clave illa a vobis recipienda vel retinenda seu alii tradenda sive per vos sive per vestros in preiudicium prefati prioris et ecclesie sue nichil fiat vel etiam vobis in preiudicium officii episcopalis addentes etiam in mandatis et firmius iniungentes quatinus cum vel prior seu fratres ecclesie de Kenill ad prefatam ecclesiam personam idoneam vobis presentabunt eam sine difficultate et molestia et mora recipiatis et instituatis Valete