Charter Document - 01950139
| Charter Number: | 01950139 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1181 - 1184 |
| Date type: | Assigned |
| Resource Link(s): |
|
Charter:
Universis sancte matris [] Ricardus Cantuariensis ecclesie minister humilis eternam in Christo salutem Noverit [] causam que de mandato domini Lucii pape III coram nobis inter hospitalarios et canonicos de Dunmawe super ecclesia de Burnham diutius ventilata est post varios ipsius excursus tandem de voluntate partium amicabili compositione conquievisse in hunc modum scilicet quod personatus prescripte ecclesie penes hospitalarios residebit perpetuo et canonici perpetuam vicariam in ea habebunt solvendo annuatim de eadem ecclesia nomine perpetue vicarie hospitalariis aureum unum quamdiu Walterus filius Walteri vixerit qui de eisdem canonicis memoratam tenet ecclesiam Post discessum vero dicti Walteri canonici ecclesiam illam in manum suam omnino recipient et solvent de ea singulis annis ipsis hospitalariis iii marcas argenti ad duos anni terminos scilicet xx solidos ad Pascha et xx solidos ad festum sancti Michaelis Et ut presens transactio firma in posterum et inconcussa permaneat presenti eam scripto duximus commendare et sigilli nostri appositione roborare Hiis testibus []