Charter Document - 01950133
| Charter Number: | 01950133 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1182 - 1184 |
| Date type: | Assigned |
| Resource Link(s): |
|
Charter:
Ricardus dei gratia Cantuariensis archiepiscopus totius Anglie primas universis sancte matris ecclesie filiis salutem gratiam et benedictionem Cum in presentia nostra contentio fuisset inter priorem de Lewes et nobilem mulierem Margaretam de Boihun super dispositione domus de Ferlegh concessit eadem Margareta priori de Lewes pro reverentia persone sue ut ipse H in priore de Farle amovendo et substituendo domui provideat salva dignitate domini regis et salvo iure nepotis sui Henrici cuius custodiam ipsa habet a domino rege sibi commissam Promisit etiam eadem domina quod si ipsa vel aliquis de suis de rebus domus quicquam amovit id ad arbitrium iam dicti prioris restituet et ipse prior ex parte sua promisit quod si quid ipsa de suo in utilitatem domus expendit id de ipsa domo et reddatur Hanc pacis formam ratam inter predictas partes manere volentes presenti scripto dignum duximus commendare et sigilli nostri patrocinio communire Testibus R Bathoniensi et P Meneviensi et Walerano Rofensi episcopis P Bathoniensi et W Gloecestriensi archidiaconis et multis aliis