Charter Document - 01950131
| Charter Number: | 01950131 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1174 - 1177 |
| Date type: | Assigned |
| Resource Link(s): |
|
Charter:
R dei gracia Cantuariensis archiepiscopus tocius Anglie primas et apostolice sedis legatus vniuersis sancte matris ecclesie filiis ad quos presentes littere perueuerint eternam in domino salutem Ea que religiosis personis intuitu pietatis canonice collata esse noscuntur vt debita gaudeant tranquillitate nec inposterum aliquo temeritatis ausu dissoluantur pastoralis cure est et sollicitudinis diligencius procurare Ea propter ad vniuersitatis vestre noticiam volumus deuenire nos diuini amoris intuitu vestigia gloriosissimi martiris Thome predecessoris nostri sequentes presenti carta confirmasse ecclesie Sancte Crucis de Edenesburg et canonicis ibidem deo militantibus ecclesiam de Paxton cum omnibus pertinenciis eiusdem quam Malcolm rex Scocie eis in liberam elemosinam concessit et dedit Salva in omnibus Lincoln ecclesie et episcopi dignitate sicut in presencia R Linc episcopi hec donacio facta est et ipsius carta confirmata Et vt confirmacio perpetuum robur obtineat eam presentis scripti patrocinio et sigilli nostri munimine roboramus Hiis testibus magistro Gerardo magistro Petro Blesensi magistro Ricardo Salopesb Willelmo de Norhalle Henrico Baiocensi canonico Radulfo de Sancto Martino Rogero Norwicensi Willelmo de Dotindon Rogerio decano et pluribus aliis