Charter Document - 01950125

Ricardus Dei gratia Cantuariensis Archiepiscopus [] universis [] Ex injuncto nobis cure pastoralis officio astringimur paci et quieti religiosarum domorum sollicite providere et ne contra statuta patrum interius vel exterius temere perturbentur operam et sollicitudinem convenit adhibere Ob hoc nimirum ad omnium notitiam volumus pervenire nos vestigiis predecessorum nostrorum bone memorie Theobaldi quondam Cantuariensis Archiepiscopi et gloriosissimi Martyris Thome inherentes Ecclesiam Beati Martini de Dovorra novam cum universis et singulis ad ipsam pertinentiis sub protectione Dei et Sancte Cantuariensis Ecclesie et nostra suscepisse statuentes ut in eadem Ecclesia que ad nos specialiter noscitur pertinere sicut a prelibato Theobaldo predecessore nostro annuente illustri Anglorum Rege Henrico et hoc ipsum scripto suo confirmante statutum esse dinoscitur et a sanctis patribus Summis Pontificibus Innocentio Eugenio Anastasio Adriano Alexandro solempniter confirmatum ordo monachorum secundum regulam Beati Benedicti perpetuo observetur Ita ut nulli omnino hominum liceat aut ordinem monachorum ab eodem loco ammovere aut in aliam religionis formam transmutare Adhuc ut idem Monasterium et fratres in eodem divino mancipati servitio altiori pace gaudeant et tranquillitate quecumque in presentiarum liberalitate Regum donatione Pontificum largitione Principum seu quorumcumque oblatione fidelium in libertatibus rebus sive quibuscumque immunitatibus juste possident aut in posterum justis modis poterunt adipisci rata et firma permanere decernimus et eidem monasterio imperpetuum confirmamus quorum quedam propriis duximus exprimenda vocabulis In primis quidem ex ordinatione pretaxati Theobaldi predecessoris nostri et concessione illustrissimi Anglorum Regis Henrici quecumque aut idem predecessor noster ad veterem Ecclesiam Beati Martini pertinentia in dominio suo habuit aut ad clericos in ea servientes pertinuisse dinoscitur specialiter autem quicquid thelonei ad eundem spectabat Archiepiscopum nichilominus etiam decimam de omni genere piscationis quam Burgenses Dovorre per totum annum sive iidem in mari Dovor [] inveniantur exercere ex concessione viri nobilis Hugonis filii Folberti et donatione antedicti Theobaldi et utriusque confirmatione ecclesiam de H[o]ugham cum omnibus ad eam pertinentibus ex donatione Walkelini Maminot ecclesiam de Col[d]rede cum capella de Popesshale et omnibus ad eam pertinentibus quam etiam dilecti filii nostri monachi Dovorrenses cum ea aliquo tempore injuste fuissent spoliati tandem coram nobis rationabiliter optinuerunt ex donacione Alvredi de Bendeville et Sibille uxoris ejus ecclesiam de Bremlyngg cum molendino quod idem Alvredus in eodem loco propriis expensis construxit veterem quoque ecclesiam Beati Martini cum parochiis et libertatibus et omnibus aliis sive in terra sive in mari ad ipsam juste pertinentiis ecclesiam etiam Sancte Marie ecclesiam Sancti Petri ecclesiam Sancti Jacobi que in Burgo Dovorra site sunt et fundate ecclesiam de Gustone ecclesiam de Apuldre ecclesiam de Dale ecclesiam de Boclonde ecclesiam de Castello de Dovorra ecclesiam Sancte Margarete de Clyve cum universis earundem ecclesiarum pertinentiis Ad hec autem terram de Herteya et terram de la Tegh que est extra Burgum Dovorram et decem acras terre ante januam Curie quas monachi Dovorre ab Hugone filio Folberti in excambium receperunt decem similiter acras terre ex altera parte Curie quas Adelina uxor Roberti de Ver Ecclesie Dovorrensi in perpetuam concessit et dedit elemosinam prebendam quoque de Dale cum omnibus suis pertinentiis quam scimus a prima fundatione Monasterii Dovorrensis a bone memoria Willelmo quondam Cantuariensi Archiepiscopo eidem monasterio concessam fuisse et collatam Monasterio ipsi Dovorrensi et monachis in eo Christo servientibus et servituris impostorum concedimus et hac carta nostra confirmamus ita ut decedente dilecto filio nostro Magistro Radulpho de Serris qui jam dictam tenet prebendam libere liceat sepe dictis monachis eandem prebendam in usus suos convertere et de eadem ad beneplacitum suum et Ecclesie sue utilitatem secundum Deum sine contradictione qualibet ordinare Hec igitur omnia superius comprehensa firma et stabilia permanere decernimus statuentes et sub anathematis intimatione inhibentes ne quis [] Testibus magistro Girardo Willelmo archidiacono Glocestriensi magistro Roberto de Inglesham magistro Rogerio de Rolvestone Rogerio Norwycensi Willelmo de Schotindone Ricardo et Galfrido clericis Thoma de Newesole et aliis