Charter Document - 01950123
| Charter Number: | 01950123 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1174 - 1181 |
| Date type: | Assigned |
| Resource Link(s): |
|
Charter:
Ricardus dei gratia Cantuariensis archiepiscopus totius Anglie primas et apostolice sedis legatus dilectis in domino filiis universis presbiteris Dovorr salutem Pervenit ad audientiam nostram quod parochiani vestri decimas suas integre non persolvant Ea propter mandamus vobis omnibus et singulis ac districte precipimus quatinus parochianos vestros diligenter moneatis et inducatis ex parte nostra et si opus fuerit ecclesiastica districtione compellatis ut decimas suas integre et sine difficultate persolvant ita quidem quod si eorum aliqui contumaces inventi fuerint ipsos ter vocari faciatis et nisi errorem suum correxerint ipsos postmodum auctoritate nostra sententia excommunicationis involvatis Valete