Charter Document - 01950114
| Charter Number: | 01950114 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1182 - 1184 |
| Date type: | Assigned |
| Resource Link(s): |
|
Charter:
Ric[ardus] dei gracia Cantuariensis archiepiscopus tocius Anglie primas universis sancte matris ecclesie filiis ad quos littere iste pervenerint eternam in Christo salutem Adeo modernorum temporibus execrabilis ardor ambitionis invaluit ut ea que canonice acta sunt calumniantium versutias vitare non possint nisi memorialibus scriptis et testium numerositate muniantur Ea propter ad omnium volumus pervenire noticiam quod cum Dionisia advocata ecclesie de Biausfeld dilectos filios nostros abbatem et canonicos de Cumbwell nobis ad eandem ecclesiam de Biausfeld presentasset nos de concessione et plena voluntate dilecti filii nostri Tome clerici filii et heredis memorate Dionisie qui ultima eiusdem ecclesie persona fuerat facta prius resignatione eiusdem ecclesie per prefatum Tomam in manu nostra predictos abbatem et canonicos de Cumbwell ad supradictam ecclesiam liberam et vacantem admisimus et eos in ea canonice sine omni contradictione instituimus Volumus itaque et ea qua fungimur auctoritate precipimus quod idem canonici prescriptam ecclesiam cum omnibus ad eam pertinentibus ita bene et plene libere et in pace possideant in perpetuum sicut eam aliquis unquam ante illos melius et plenius ac liberius possedisse dinoscitur Et ut hec nostra institutio firma in posterum et inconvulsa permaneat nos eam presentis scripti nostri annotatione et sigilli nostri munimine duximus roborare Hiis testibus magistro Petro Blesensi archidiacono Bathoniensi Willelmo archidiacono Gloecestriensi magistro Henrico de Norhamton magistro Roberto de Inglesham magistro Rogero de Roulveston magistro Rogero Norwicensi Willelmo de Sotindon Ricardo de Lundonia Gaufrido Forti Rogero decano de Cranebr et aliis