Charter Document - 01950113

Ric[ardus] dei gratia Cantuariensis archiepiscopus et totius Anglie primas omnibus Christi fidelibus ad quos presentes littere pervenerint illam que est in domino salutem Ad universitatis vestre noticiam volumus pervenire nos ad petitionem et presentationem dilecti filii nostri Stephani de Thorneham domini fundi dedisse et concessisse dilectis filiis canonicis de Cumbwell ecclesiam de Thorneham cum universis pertinentiis suis libere et quiete post decessum Roberti eiusdem ecclesie capellani possidendam ita quidem ut fructus et obventiones quaslibet de ea provenientes salvo episcopali iure quod de ea debetur in usus suos convertant Capellanus tamen qui in eadem ecclesia nomine canonicorum divina officia celebrabit ad eorum presentationem ab episcopo recipietur qui eidem episcopo de hiis que sibi debentur respondeat et canonicis prout ab eis ordinatum fuerit de temporalibus respondeat et satisfaciat Hoc quoque ad communem omnium volumus devenire noticiam quod cum controversia inter predictum Stephanum et Robertum eiusdem presbiterum super quadam terra ad ecclesiam de Thorneham pertinente mota ad nostram audienciam fuisset delata tandem eandem questionem sub tali compositionis forma ad pacem reduximus et concordie unitatem reformavimus Predictus Stephanus dedit et concessit ecclesie de Thorneham in liberam et perpetuam elemosinam sex acras et tres virgatas terre in bosco suo versus orientalem plagam partem videlicet in bosco partem in plano liberas et quietas ab omni seculari servitio in concambium illius terre quam idem S habet in parco suo versus occidentem que olim ad ecclesiam de Thorneham pertinebat Preterea idem S concessit tres acras terre que iacent iuxta Dunstrat ecclesie de Thorneham quas pater eiusdem Stephani olim eidem ecclesie pietatis intuitu in liberam contulerat elemosinam Robertus vero capellanus ecclesie de Thorneham facto concambio et controversia inter ipsum et Stephanum sopita concessit et firmiter promisit quod in capella Stephani de Thorneham quam habet in curia sua fundatam si idem S cum familia sua ibi moram fecerit tribus diebus in septimana videlicet feria quarta et sexta nisi festus dies qui perferri debeat intervenerit et die dominica per se vel per capellanum suum divina faciet celebrari Quod si idem S residentiam ibi non fecerit per unum diem tantum in septimana pro fidelibus defunctis per eundem Robertum vel capellanum eius divina in eadem capella celebrabuntur ita quidem quod memoratus S in libris in vestimentis et ceteris quibuslibet divinorum celebrationi necessariis in capella sua faciet exhiberi Id ipsum quoque abbas et canonici Cumbwell temporibus suis cum liberam eiusdem ecclesie de Thorneham habuerint dispositionem eidem militi se exhibituros promiserunt Et quia ea que coram nobis et a nobis rationabiliter ordinata sunt volumus perpetua stabilitate gaudere eadem presentis scripti patrocinio et testium subscriptione communimus Hiis testibus magistro Girardo magistro P Blesensi archidiacono Bathoniensi magistro Roberto de Inglesham magistro Rogerio de Rulveston Willelmo de Sotindon Henrico Baiocensi Thoma de Niwesol Micahele de Burn magistro Rogerio Herefordensi Hereberto elemosinario Gaufrido de Mildehal et multis aliis clericis et laicis