Charter Document - 01950111
| Charter Number: | 01950111 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1174 - 1175 |
| Date type: | Assigned |
| Resource Link(s): |
|
Charter:
Universis sancte matris ecclesie filiis Ricardus dei gratia Cantuariensis archiepiscopus totius Anglie primas et apostolice sedis legatus salutem Quoniam exquisitis calumpniantium versutiis veritas multipliciter impugnatur ut vix inveniatur hodie qui sue possessionis quietem obtineat necesse est instrumentis autenticis ea roborari que ex aliquorum munificentia rationabiliter fuisse collata noscuntur Ea propter dilectos filios nostros abbatem de Cumbewell et fratres ibidem deo et sancte Marie Magdalene canonice servientes caritatis sincere brachiis amplectentes in Christo omnia que ipsis sub nostra iurisdictione rationabiliter donata sunt integra eis et illibata servare volentes confirmamus eis omnia que Robertus de Thorneham eisdem fratribus rationabiliter dedit in liberam et perpetuam elemosinam scilicet Henle que est sedes ecclesie et ecclesiam sancte Marie de Torneham et ecclesiam sancte Marie de Brichelle cum omnibus earumdem ecclesiarum pertinentiis et in Torneham quandam terram que vocatur Hoc et Eastheye et super montes de Torneham viginti acras Preterea ex propria donatione Stephani filii predicti Roberti quam ipse concessit et dedit predicte ecclesie et fratribus ibidem deo servientibus in liberam et perpetuam elemosinam decem acras in Brichelle de proprio dominio suo et in Torneham super montes duas acras Hec autem omnia sicut eis concessa sunt et donata a predictis dominis fundi et cartis eorum rationabiliter confirmata sicut carte earumdem testantur ita ea nostre auctoritatis munimine roboramus quatinus sepedicte ecclesie et memoratorum fratrum possessio tot instrumentorum vallata presidiis nulla inposterum calumpniatorum malitia divellatur Quecumque etiam inposterum prefata ecclesia iuste et canonice poterit adipisci sub protectione dei et sancte Cantuariensis ecclesie et nostra suscipimus prohibentes ne quis eis vel possessionibus suis iniuriam aliquam seu molestiam inferre presumat Testibus Waltero abbate de Boxle Roberto de Novo Burgo Benedicto cancellario magistro Gerardo Herlewyno et Radulfo monachis Amicio archidiacono Rothomagensi magistro Thoma Ebroycensi magistro Petro Blesensi Radulfo de Wyngeham Willelmo de Northal Herberto elemosinario Willelmo Wynt Willelmo Cadomensi Amicio et Rogero clericis Stephano de Torneham Michaele de Torneham