Charter Document - 01950108
| Charter Number: | 01950108 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1174 - 1181 |
| Date type: | Assigned |
| Resource Link(s): |
|
Charter:
Ricardus dei gratia Cantuariensis archiepiscopus totius Anglie primas et apostolice sedis legatus omnibus sancte ecclesie fidelibus ad quos presentes littere pervenerint salutem in domino Quoniam veritas adeo multipliciter impugnatur ut vix aliquis hodie possessionis sue quietem optineat necesse est ea que ex aliquorum munificentia aliquibus intuitu pietatis sunt collata scriptorum autenticorum et testium patrocinio communiri Ea propter in communem volumus devenire notitiam nos dilectis filiis nostris monachis sancti Iohannis baptiste de Colecestr presentis scripti munimine confirmasse omnes possessiones et elemosinas quas canonice sunt adepti vel in posterum adipiscentur in ecclesiis terris et decimis et aliis quibuscumque possessionibus Consuetudines etiam et libertates quas rex Henricus eidem monasterio concessit sicut eas dompnus papa Kalixtus confirmavit intemeratas conservari precipimus et sententiam quam in perturbatores eiusdem monasterii vel antecessores nostri archiepiscopi vel dompnus papa Kalixtus imposuit nos etiam corroboramus Statuimus quoque et sub anathematis interminatione inhibemus ne quis hanc nostre confirmationis paginam infringere vel ei aliquatenus contraire presumat Valete in domino