Charter Document - 01950091
| Charter Number: | 01950091 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1183 |
| Date type: | Assigned |
| Resource Link(s): |
|
Charter:
Ricardus dei gratia Cantuariensis archiepiscopus totius Anglie primas universis sancte matris ecclesie filiis presens scriptum visuris vel audituris salutem in domino Ea que pietatem continent misericordie visceribus amplexari volumus ut debemus et que ad virorum religiosorum sustentationem provide statuuntur nos qui sancte religionis sumus professores omnimodam volumus habere firmitatem Cum igitur in monasterio sancti Augustini Cantuarie ecclesie de Menstre et de Northburn et de Cistelet ob evidentes necessitates ad diversos usus eiusdem monasterii ab antiquo fuerint assignate et a diversis Romanis pontificibus ad eosdem usus pure confirmate nos dilectorum filiorum abbatis et conventus prefati monasterii precibus inclinati divine caritatis intuitu et sancte religionis quam in prefato loco vigere novimus et credimus in futuro ad prefatos usus dictas ecclesias cum omnibus pertinentiis suis deo et beato Augustino confirmamus In cuius rei testimonium presenti scripto sigillum nostrum fecimus apponi Hiis testibus domino W Rofensi episcopo magistro G Pucella magistro Rogero de Rolveston magistro R Blundo magistro Radulfo de Forda et multis aliis