Charter Document - 01950089
| Charter Number: | 01950089 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1177 - 1179 |
| Date type: | Assigned |
| Resource Link(s): |
|
Charter:
Ricardus dei gratia Cantuariensis archiepiscopus totius Anglie primas et apostolice sedis legatus universis sancte matris ecclesie filiis ad quos presentes littere pervenerint eternam in domino salutem Ex scripto autentico W pie recordationis quondam Norwicensis episcopi cognovimus Rogerum a de Thoftes quantum iuris habebat in ecclesia eiusdem ville liberum et ab omni reclamatione absolutum in manu eiusdem episcopi reliquisse ipsumque episcopum eandem ecclesiam sancte Cantuariensi ecclesie salvo iure Norwicensis ecclesie ac consuetudinibus ab eadem annuatim ei prestandis indempniter observatis cum omnibus pertinentiis suis perpetuo possidendam concessisse et confirmasse Nos itaque eandem concessionem et confirmationem canonice factam ea qua fungimur auctoritate confirmamus et presenti carta cum sigilli nostri appositione roboramus Testibus Walerano Baiocensi et Willelmo Glocestriensi archidiaconis Henrico Baiocensi Rogero Norwicensi Willelmo de Sotindun et aliis