Charter Document - 01950086
| Charter Number: | 01950086 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1177 - 1180 |
| Date type: | Assigned |
| Resource Link(s): |
|
Charter:
R dei gratia Cantuariensis archiepiscopus totius Anglie primas et apostolice sedis legatus omnibus Christi fidelibus ad quos presentes littere pervenerint eternam in domino salutem Ad universitatis vestre notitiam volumus pervenire quod cum defuncto Willelmo filio Marewen qui ecclesiam beati Dunstani Londoniensis sub annua pensione decem solidorum de dilectis filiis nostris monachis Cantuariensibus annis pluribus tenuerat Iocelinus sacerdos elavem eiusdem ecclesie iniuste detineret vocatus super hoc in ius ante presentiam nostram idem Iocelinus tandem sponte et sine omni coactione elavem predicte ecclesie et quicquid iuris in eadem ecclesia sibi vendicabat in manu nostra resignavit Nos ergo prelibatam ecclesiam prescriptis monachis nostris qui ipsius ecclesie personatum a multis retro temporibus possiderant libere et integre restituimus et ad petitionem et presentationem eorumdem monachorum sepedictam ecclesiam cum universis pertinentiis eius dilecto filio et clerico nostro magistro Radulfo de Sancto Martino sub annuo canone xii solidorum monachis ipsis ad Pentecosten annuatim solvendorum in liberam et perpetuam contulimus elemosinam ipsumque Radulfum in eadem ecclesia perpetuum vicarium canonice instituimus Radulfus vero pietate motus et prece nostra inductus eandem ecclesiam prenominato Iocelino sub annua pensione xl solidorum ipsi Radulfo duobus terminis annuatim solvendorum xx solidos scilicet ad Pentecosten et xx solidos ad festum sancti Martini quoad uterque eorum vixerit tenendam concessit Iocelinus autem de fidelitate eidem Radulfo servanda et predicta pensione statutis terminis annuatim solvenda fidei religionem in presentia nostra interposuit Quare ne posteris temporibus alicui veniat in dubium presenti scripto sub sigilli nostri appositione duximus commendare Hiis testibus Willelmo archidiacono Gloecestriensi Warino priore Dovur magistro Roberto de Inglesham magistro Iohanne Planeta magistro Rogero Norwicensi Rogero elemosinario Galfrido clerico Willelmo filio Heltonis Iohanne de Hastingleg Willelmo de Sothindon et pluribus aliis tam clericis quam laicis