Charter Document - 01950084
| Charter Number: | 01950084 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1177 - 1181 |
| Date type: | Assigned |
| Resource Link(s): |
|
Charter:
Ric[ardus] dei gratia Cantuariensis archiepiscopus tocius Anglie primas et apostolice sedis legatus universis sancte matris ecclesie filiis ad quos presentes littere pervenerint eternam in Christo salutem Ad omnium volumus devenire noticiam quod cum olim in ecclesia Cantuariensi cui deo presidemus auctore claustralis monachus essemus Willelmus de Einesford pater Willelmi Guram volens in eadem ecclesia monachari in presentia nostra necnon et aliorum multorum fide dignorum quicquid iuris habuit in ecclesia de Einesford in fundo suo sita et in omnibus eiusdem ecclesie pertinentiis priori et conventui prefate ecclesie nostre in perpetuam contulit elemosinam et nobis et aliis multis intuentibus propria manu per quendam cultellum sicut moris est complicatum et quoddam bacchile argenteum super altare Christi obtulit presente filio suo et herede Willelmo Guram patrisque sui donationi gratum impertiente favorem et consensum Et quoniam divina gratia permittente eo loci constituti sumus ut prefate ecclesie nostre libertatibus et conventus nostri possessionibus universis attentius providere debeamus prefati militis Willelmi donationem in iamdicta ecclesia de Einesford ratam habentes et firmam utpote quam oculis nostris perspeximus et auribus nostris audivimus priori et conventui eiusdem ecclesie nostre auctoritate qua fungimur confirmamus ita ut ipsi ius patronatus eiusdem ecclesie quiete et libere possideant in perpetuum Quod ne revocari de cetero possit in dubium presenti scripto nostro duximus commendandum et sigilli nostri munimine roborandum Testibus hiis magistro Girardo Willelmo Gloecestriensi archidiacono magistro Rogerio de Rulveston Willelmo et Moyse capellanis magistro Rogerio Norwicensi magistro Rogerio Walensi Ricardo clerico Rogerio decano et aliis multis clericis et laicis