Charter Document - 01950083
| Charter Number: | 01950083 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1181 - 1184 |
| Date type: | Assigned |
| Resource Link(s): |
|
Charter:
Ricardus dei gratia Cantuariensis archiepiscopus totius Anglie primas dilectis filiis H Cantuariensi archidiacono et officialibus suis salutem gratiam et benedictionem Mandamus vobis et precipimus quatinus si aliquem de capellanis ecclesiarum de Munketone et de Estria vel capellarum ad easdem ecclesias pertinentium mori vel vicariam suam resignare vel quomodolibet cedere contigerit capellanum seu capellanos quos dilecti filii nostri prior et conventus noster Cantuariensis ad ecclesias illas vel capellas vobis vel alicui vestrum presentaverint sine molestia qualibet recipiatis et nomine monachorum ministrare permittatis Valete