Charter Document - 01950077
| Charter Number: | 01950077 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1174 - 1181 |
| Date type: | Assigned |
| Resource Link(s): |
|
Charter:
Ric[ardus] dei gracia Cantuariensis archiepiscopus tocius Anglie primas et apostolice sedis legatus universis sancte matris ecclesie filiis ad quos littere iste pervenerint eternam in domino salutem Ad omnium noticiam volumus pervenire dilectos in Christo filios nostros priorem et conventum ecclesie Christi Cantuariensis ad preces domini regis Anglie et nostras necnon ob honorem et reverentiam gloriosi martiris Thome concessisse et assignasse dilecto filio nostro Willelmo de Capes ianitori curie predictorum monachorum conredium unius monachi quoad idem Willelmus vixerit libere possidendum Unde ne hoc beneficium quod personale tantum est post decessum ipsius Willelmi quasi ministerii ianue accessorium ab aliquo possit repeti nos idem beneficium personale tantum esse presenti scripto testificamur et ne post obitum predicti Willelmi racione porte ab aliquo in posterum exigatur ea qua fungimur auctoritate prohibemus Valete