Charter Document - 01950075

Ricardus dei gratia Cantuariensis archiepiscopus totius Anglie primas et apostolice sedis legatus universis Christi fidelibus ad quos presentes littere pervenerint salutem Cum dilectus filius Herbertus archidiaconus noster plura ad archidiaconatum suum de iure debere pertinere vendicaret de quibus nobis non constabat intuitu probitatis sue et sincera affectione quam circa personam ipsius gerimus hec ei personaliter concessimus sine omni preiudicio Cantuariensis ecclesie et successorum nostrorum institutiones videlicet et destitutiones decanorum prehabito consilio nostro custodiam vacantium ecclesiarum ad nostram donationem non pertinentium et omnes fructus dum vacaverint inde provenientes libere et absolute placita etiam ecclesiastica et omnia emolumenta inde provenientia tam de dominiis nostris quam monachorum ecclesie Cantuariensis in archidiaconatu Cantuariensi constitutis omnia etiam emolumenta de placitis archidiaconatus sui ubicumque agitentur ita tamen quod si modum circa homines nostros vel monachorum excesserit nobis excessus correctionem reservavimus cognitionem etiam de causis matrimoniorum cum accusantur usque ad definitivum calculum et si dirimendum fuerit matrimonium id nobis reservavimus institutiones personarum in ecclesiis vacantibus que ad nostram specialiter non pertineant donationem cum extra provinciam fuerimus cum autem presentes fuerimus et persona aliqua instituenda prius oblata fuerit archidiacono dummodo hoc non fuerit procuratum cum eam ad nos introduxerit honorem ei in facto suo conservabimus Omnes autem per nos instituti tam in ecclesiis de dominio nostros et monachorum quam in aliis per archidiaconum vel eius officialem introducentur in corporalem possessionem ecclesiarum in quibus fuerint instituti Hec autem omnia prescripta sub presentis scripti et sigilli nostri testimonio duximus redigenda ut sicut ea prefato archidiacono nostro sunt a nobis personaliter concessa ita eius persone illibata conserventur Hiis testibus magistro Gerardo Waleranno archidiacono Baiocensi magistro Petro Blesensi magistro Waltero de Cant magistro Matheo Cicestrensi magistro Hugone de Gaherst Philippo de Hasting magistro Radulfo de Sancto Martino Amicio et Rogero et Willelmo clericis et aliis