Charter Document - 01950068
| Charter Number: | 01950068 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1174 - 1177 |
| Date type: | Assigned |
| Resource Link(s): |
|
Charter:
Ricardus dei gratia Cantuariensis archiepiscopus totius Anglie primas et apostolice sedis legatus omnibus hominibus suis Francis et Anglis salutem Ad universitatis vestre notitiam volumus pervenire nos concessisse et presenti carta nostra confirmasse dilecto filio nostro Willelmo filio Ricardi unam hidam terre in Cranesham que vocatur Hyda et quam idem Willelmus emit coram hundredo de Pageham de Giffardo de Tangemere hereditabiliter de nobis tenendam reddendo inde annuatim viginti octo solidos pro omni servitio Quare volumus et precipimus ut predictus Willelmus habeat et teneat predictam hydam et heredes sui post eum heredi habiliter per predictum servitium ita libere et integre et pacifice sicut aliquis predecessorum eiusdem Willelmi eandem hidam melius et liberius tenuisse dinoscitur Et ut nostre confirmationis pagina perpetuam optineat firmitatem eam sigilli nostri appositione roboramus Hiis testibus Walerano Baiocensi archidiacono magistro P Blesensi Willelmo de Norhall magistro Roberto de Inglesham Henrico Baiocensi Rogero decano Radulfo pincerna Roberto de Hesa Ebrewino dispensatore Goldewino coco Willelmo Scardevill Willelmo capellano Hamone de Cramesham Rogero clerico Gervasio de Colewerda Andrea de Boghenhore Eadwardo de Ealdewyk Willelmo de Sotindun et pluribus aliis tam clericis quam laicis