Charter Document - 01950066
| Charter Number: | 01950066 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1182 - 1184 |
| Date type: | Assigned |
| Resource Link(s): |
|
Charter:
Ricardus dei gratia Cantuariensis archiepiscopus totius Anglie primas universis Christi fidelibus ad quos littere iste pervenerint eternam in domino salutem Nosse volumus universitatem vestram nos de voluntate et petitione dilecti filii nostri et clerici Willelmi de Sottindon persone ecclesie de Orpinton sollempniter et canonice concessisse ac dedisse dilecto filio nostro I de Burn perpetuam vicariam in prescripta ecclesia de Orpinton ita quod prefatus Iustinus omnia bona et omnes obventiones eiusdem ecclesie tam in temporalibus quam in spiritualibus toto tempore vite sue cum omni integritate percipiet et pacifice possidebit solvendo de eadem ecclesia prefato Willelmo vel alie persone si aliam diebus Iustini forte contigerit nomine perpetue vicarie duas marcas argenti scilicet ad Pascha unam marcam et alteram ad festum sancti Michaelis Quod ne forte temporis processu revocari possit in dubium presenti scripto nostro duximus annotare et confirmare et sigilli nostri munimine roborare Testibus magistro P Blesensi archidiacono Bathoniensi cancellario nostro Willelmo Gloecestriensi archidiacono magistro H de Northanton magistro Roberto de Inglesham magistro Aimero de Partim magistro Rogero Norwycensi Ricardo et Gaufrido et Rogero decano clericis nostris et preterea Radulfo pincerna et Roberto de Hese et aliis multis tam clericis quam laicis