Charter Document - 01950064

Ric[ardus] dei gratia Cantuariensis archiepiscopus totius Anglie primas universis sancte matris ecclesie filiis ad quos littere iste pervenerint eternam in domino salutem Ea que religiosis personis et locis iuste collata esse noscuntur firma debent stabilitate gaudere et ne aliqua malignantium temeritate divellantur prelatorum interest sollicite providere Ea propter ad omnium noticiam volumus pervenire nos attendentes honestam sancti conventus monasterii sancti Stephani de Cadomo conversationem et religionem que se longe lateque diffundit universas possessiones quas predictum monasterium et fratres eiusdem tam in ecclesiis quam in decimis pratis silvis aquis pascuis molendinis domibus terris et earum habitatoribus largitione regum donatione pontificum seu quorumque fidelium in provincia Cantuariensi iuste possidere noscuntur sub protectione dei et sancte Cantuariensis ecclesie et nostra suscepisse et eidem monasterio ac fratribus ibidem divino mancipatis servicio carta presenti confirmasse quas quidem possessiones propriis duximus exprimendas vocabulis manerium scilicet de Northam et ecclesiam eiusdem loci cum Aisserugia membro eiusdem manerii cum libertatibus et consuetudinibus et omnimodis tam ipsius manerii quam predicte ecclesie pertinentiis in Dorsetha Frontonam cum omnibus membris et appenditiis suis in boscho et plano Biencommam cum ecclesia eiusdem ville et omnibus pertinentiis suis in Berchesira apud Henreth vii hidas terre in Dorsetha Bridetonam cum libertatibus et consuetudinibus et omnibus aliis ad idem manerium pertinentibus in Essessa Penfeldam cum boscho et lundis et omnibus aliis pertinentiis suis quod manerium Walerannus filius Rannulfi dedit predicto monasterio cum tota decima de Tiedesham de Elesingeham de Foleborna de Elivaleio de Buris cum mansione terre infra London in Wedestr ecclesiam quoque de Mortona cum virgulto et terra et decima de dominio Willelmi de Abrincis de molendino suo de pasnagio caseo vitulis pullis pomis nucibus et aliis decimis ad eandem ecclesiam pertinentibus sicut carta ipsius Willelmi determinat masagium etiam Iohannis cappellani iuxta cimiterium cum linaria que iacet iuxta idem masagium quod dedit sancto Stephano predictus Willelmus in Norfolchia quoque manerium quod vocatur Welles et ecclesiam sancti Nicholai de Gaiton cum terris et pratis et decimis et hominibus et omnimodis tam ipsius manerii quam predicte ecclesie pertinentiis Ad hec etiam ecclesiam de Fronton ecclesiam de Biencomb ecclesiam de Wintreburn ecclesiam de Abetescomb salvis episcopalibus consuetudinibus sicut carta venerabilis fratris nostri Ioscelini Saresberiensis episcopi determinat et distinguit Volumus igitur et ea qua fungimur auctoritate precipimus ut predictum monasterium et fratres in eodem deo famulantes habeant et teneant prelibatas possessiones et ecclesias universas et singulas integre libere et pacifice sicut eis iuste collate esse noscuntur et sicut in cartis donatorum quas vidimus et propriis manibus contrectavimus dinoscitur contineri Statuimus quoque et sub interminatione anathematis prohibemus ne quis hanc nostre protectionis et confirmationis paginam infringere vel ei aliquatenus temere contraire presumat Testibus Walerano Rofensi episcopo magistro Petro Blesensi archidiacono Bathoniensi Moyse capellano magistro Rogero de Roulvest Henrico Baiocensi Iohanne capellano Roberto de Bathvento Willelmo de Sotewaine et aliis multis