Charter Document - 01950062
| Charter Number: | 01950062 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1178 - 1180 |
| Date type: | Assigned |
| Resource Link(s): |
|
Charter:
Ric[ardus] dei gratia Cantuariensis archiepiscopus totius Anglie primas et apostolice sedis legatus universis ad quos presentes littere pervenerint eternam in domino salutem Compositionem factam inter ecclesias de Bulemera et de Brandona et clericos qui in ipsa ecclesia de Bulemara aliquid iuris sibi vendicabant Radulfum videlicet de Disci archidiaconum ecclesie Lundoniensis et Gillebertum de Geldham decanum et Walterum de Bulemera magistrum quoque Radulfum de Altaripa pro ecclesia de Brandona et Iohannem Le Manant militem eiusdem ecclesie de Brandona patronum coram venerabili fratre nostro Gilleberto Londoniensi episcopo diocesano et aliis viris prudentibus ac discretis sollempniter tractatam et sub certa forma quam ex tenore litterarum eiusdem fratris nostri Londoniensis episcopi perspeximus comprehensam et fide predictorum clericorum interposita utrimque firmatam auctoritate insuper prelibati fratris nostri confirmatam cognovimus atque sigilli ipsius testimonio roboratam Nos igitur eandem compositionem futuris temporibus ratam manere et perpetuum robur decernentes obtinere ea qua fungimur auctoritate eam confirmamus et presentis scripti atque sigilli nostri patrocinio communimus Testibus magistro Gerardo Willelmo archidiacono Glouecestr magistro Roberto de Inglesham Henrico Baiocensi Willelmo de Sottindon Rogero Norwicensi Ricardo de Windeshor Galfrido clerico et aliis multis