Charter Document - 01950058
| Charter Number: | 01950058 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1174 - 1177 |
| Date type: | Assigned |
| Resource Link(s): |
|
Charter:
Ricardus Dei gratia Cantuariensis Archiepiscopus totius Anglie primas et apostolice sedis legatus uniuersis sancte matris ecclesie filijs salutem in domino Quam humane ambitionis execrabilis fames adeo in alienas possessiones exarsit ut exquisitis calumniantium versutijs vix inueniatur qui sue possessionis quiete optineat Necesse est contra hanc nequitie machinantium remedium inueniri et beneficia que rationabiliter et canonice collata fuisse noscuntur auctoritatum patrocinijs et instrumentorum testimonijs communiri Quapropter dilectum filium nostrum Henr de Blak clericum caritatis sincere brachijs amplectentes ecclesiam de Blak cum uniuersis pertinentijs suis cum terris decimis et obuentionibus omnimodis ad ipsam pertinentibus de iure sicut ei rationabiliter concessa est ad presentationem Henr de Lascy domini fundi et a venerabili fratre nostro Ric Couentr episcopo cum capella de Walton et eius pertinentijs canonice collata et confirmata Ita ei nostre auctoritatis munimine eandem ecclesiam et capellam rationabiliter et canonice confirmamus et corroboramus quatinus prefate ecclesie et capelle possessio tot vallata presidijs nulla in posterum malitia calumpniatorum a prefato Henr valeat diuelli Testibus Herlewyno et Radulpho monachis Cantuariensis ecclesie Dompno Roberto de Nouo burgo Magistro Gerardo Walerano archidiacono Baiocensi magistro Petro Blesensi Willelmo de Northall Radulpho de sancto Martino magistro Michaele Willelmo Rogero clericis et alijs multis