Charter Document - 01950056
| Charter Number: | 01950056 |
|---|---|
| Cartulary Title: | Canterbury 1162-1190 Volume 2 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1174 - 1177 |
| Date type: | Assigned |
| Resource Link(s): |
|
Charter:
R dei gratia Cantuariensis archiepiscopus tocius Anglie primas et apostolice sedis legatus universis sancte matris ecclesie filiis ad quos presentes littere pervenerint eternam in domino salutem Ea que religiosis personis canonice collata esse noscuntur ut debita gaudeant tranquillitate ne in posterum aliquo temeritatis ausu divellantur nostri officii est modis omnibus procurare Ea propter ad universitatis vestre noticiam volumus devenire nos intuitu pietatis presenti carta confirmasse ecclesie beate virginis Marie de Bealver et monachis ibidem deo militantibus universas possessiones quas in presentiarum iuste et canonice adeptas possident aut de cetero iustis modis poterunt adipisci in quibus hec propriis duximus exprimenda vocabulis ecclesiam de Horningwald ecclesiam de Norton ecclesiam de Clacston ecclesiam de Hous ecclesiam de Plungard ecclesiam de Barcheston ecclesiam de Talintona ecclesiam de Wlestorp ecclesiam de Redmella ecclesiam de Offinton et terram de Talinton et dominicum masuagium iuxta ecclesiam de Talinton quod Willelmus de Albeni iunior eis dedit et terram in Denton quam eis donavit Ursellus de Crasmeinil et Lucas confirmavit Volumus igitur et precipimus ut prelibati monachi prescriptas possessiones sicut eas iuste et canonice adepti sunt integre et pacifice possideant statuentes et sub interminatione anathematis prohibentes ne quis hanc nostre confirmationis paginam infringere vel ei aliquatenus temere contraire presumat Hiis testibus magistro Gerardo Waleranno Baiocensi archidiacono magistro Petro Blesensi Willelmo de Norhalle Radulfo de Wingheham Henrico Baiocensi canonico Radulfo de Sancto Martino Rogero Norwic Amicio Willelmo de Sotindon Rogerio decano et aliis pluribus